Archive for January, 2013


الثورة الزائفة

دي اول حاجة اكتبها عالنت .. انا تقريبا بكتب حاجات كتير بس مش بنشرها او كنت بكتبها لمجرد الكتابة او تفريغ افكار علي ورق..

تقريبا كل حاجة دلوقتي ماشية غلط .. او هو تقريبا مفيش حاجة اصلا ماشية .. او الحاجة دي نفسها مش موجودة

اكيد انا بتكلم عالبلد

يعني ايه ؟

لو انت في صف المعارضة .. هل في مرة وقفت و سألت نفسك هي المعارضة ديه معارضة فعلا ؟ ولا معارضة من اجل المعارضة ؟

طب هل هي اصلا انفع اكون بصنف نفسي في صفها ؟
لو بصيت كدة علي الرموز اللي في المعارضة ديه .. هتلاقيها ينطبق عليها (اللي بيته من ازاز .. ما يغيرش في الصالون) ولا في الحمام وحياتك
يعني حزب الدستور (مع اعتراضي اساسا علي طريقة عمل و منهج او سياسة الاحزاب اللي عالساحة كلها) فوجئ شبابه و منهم اصدقاء ليا بإن قياداته بيتم تعيينهم و ليس انتخابهم، متجاهلا شباب نضيف فعلا و بيحلم بتغيير فعلي. و كأن البوب مشتري الحزب

و اما عن حمدين صباحي .. اللي من فترة كان اي تصريح له او اي مصيبة في البلد بيقول حاجة من الاتنين ( يا اما الانتخابات باطلة – يا اما
الرئيس فقد شرعيته) حتي لو حصل حالة طلاق بين اتنين في بقعة من بقاع المحروسة هيلبسها لمرسي

يا سيد حمدين .. و الله ممكن تغير من غير كرسي الرئاسة .. عشان اللي عايز يغير لو فعلا هيغير و له صدي و مصداقية في الشارع و عند البسطاء هيعرف يوصل..
و اما عن عمرو موسي .. فلا تعليق .. و ما عنديش اي حاجة اقولها علي الاطلاق

و لو انت من هناك مش من دول .. في ارض الجماعة المحظوظة
هل وقفت مرة و قولت هو في ايه اتغير من ايام مبارك ؟
ارجوك سيبك من الهري بتاع التغييرات البسيطة ..
انا اقصد المطالب العامة .. اللي نزلنا اصلا عشانها .. عيش و حرية و تطهير داخلية

لو فتحت يا سيدي الفاضل اي تقرير عن رصد حالات التعذيب في الاقسام فهتلاقي ان في ١٤ حالة تعذيب ( تعذيب جسدي و تشويه لدرجة العاهات في الجسم) داخل الاقسام و النقاط – بعد ثورة يناير – و لو دققت شوية في التقارير هتلاقي ان معظم الرتب اللي بتقوم علي عمليات التعذيب رائد او نقيب مثلا.
يعني الداخلية مش بس قياداتها اللي فاسدة و مشوهة نفسيا .. لأ الكيان ده دخوله بيحولك لوغد غير مفهوم الطباع
و لم يتم تطهيرها حتي الآن لا من قريب ولا من بعيد

ABC3FC6D2

و طبعا المحاكمات العسكرية التي عاني منها الاخوان طويلا ما زالت مستمرة اخرها المصور الصحفي اللي كان بيعد تقرير عن الجنود و اتمسك و اتحول لنيابة عسكرية و جاري محاكمته اثناء لحظة كتابة السطور دي
و كأن الاخوان ماشيين بمنطق حرام علينا و حلال لغيرنا

و اذا جينا للاحوال المعيشية .. فا المعادلة بسيطة.. مش بنطلب اننا نمشي في الشوارع ما نلاقيش شحاتين .. خلونا عالاقل نشوف الشحاتين بيشحتوا بجيتار ولا بالعاب سحرية ولا بتاع .. كنوع من العزة قدام نفسه انه مش بيشحت و السلام
انما ده حتي الشحاتة عندنا مستواها في الحضيض و الناس مرمية عالرصيف مش قادرة تمشي
Image

هتاف : الشعب يريد اسقاط النظام .. كان معناه انه يغور النظام باشخاصه .. بفقره بقمعه باستبداده بهيمنته و هيمنة فرقة معينة عالحكم
مش الاشخاص بس اللي تتغير .. ماليش مشكلة نفسية مع الدقون .. انا ليا مشكلة مع اللي بيعملوه اللي بدقون
بين الكفة دي و الكفة دي .. ناس مالهاش في حاجة .. شباب مش عايز حاجة غير حق اللي مات و حق اصحابه و اخواته
نتيجة لفشل المعارضة و فشل النظام الحاكم .. بيموت ناس في الشوارع .. و النتيجة : لا شئ
بننزل .. ندرس .. نتعلم .. نشتغل .. نضحك.. نهزر .. نعيط .. و التغيير = صفر
و نتيجة لعدم القصاص للناس اللي ماتت ديه .. بينزل غيرهم يطالبوا بحقهم .. فبيموتوا
حلقة مفرغة من القتلي لغباء معارضة و غباء نظام .. و الاتنين بيغيبوا عقول الشعب

احكموا بالعدل .. كي تتقوا شر الثورة
و ثوروا بحكمة .. كي لا يدهسكم المستبدين 

Image

اسف للاطالة

Just starting my blog.

20130107-191041.jpg

%d bloggers like this: